近日林嘉欣為某護膚品牌拍攝新一輯廣告，廣告商為了符合新產品主題，安排嘉欣穿上絲質服裝拍攝真絲美白護膚品廣告。
林嘉欣日前為護膚品牌Regene新系列真絲白滑面膜拍攝廣告，為了配合新產品，她特別穿上絲質服裝，全個廣告製作費高達七位數字。
嘉欣表示自幼對絲質布料已情有獨鍾，昨日她在電話中說：「真絲嘅感覺好滑，以前我聽講呢啲只係朝廷貢品，好矜貴。不過，𠵱家竟然可以拎嚟做面膜，用嚟敷面，你話幾咁特別呢。」
問嘉欣有何護膚心得？她說：「我覺得對於女仔嚟講，美白真係好緊要，所以平時外出拍嘢，我尤其注重防曬工夫，之後就係卸妝同護膚。夏天來臨，最緊要多啲飲水補充身體水份。我自己就好鍾意食冰凍嘅西瓜同木瓜，因為呢啲水果有好多水份，食多啲對身體好有益。」
拍攝廣告當日，嘉欣工作接近十小時，但她毫無怨言。休息時間，嘉欣就躺在椅子上爭取時間休息。身為護膚品代言人的嘉欣表示每次做產品代言人，她都一定會清楚產品的成份和功效，她說：「我覺得咁樣做既可以介紹新產品畀朋友，又可以做個負責任嘅代言人。」
此外，嘉欣每次拍完廣告都一定會拿些產品給母親用，今次的護膚品都不例外，她說：「我一定會帶挈埋媽咪，兩母女一齊扮靚，大家都開心。」
採訪：比華利
