溫家寶總理堅持要去重災區淘大花園探望受沙士打擊嘅家庭，相比起我哋嘅董特首，連E座都係第一次踏足，又話醫生叫佢唔好去醫院，驚驚青青又乜又物，就知乜嘢係領袖乜嘢係懦夫！
講開淘大，八方知道淘大沙士孤雛郭名慧同佢個BB細佬，由於阿爸要返工，好難照顧小朋友，所以有時要寄居他處，並不是天天都在淘大住，但名慧好適應。
不過，眾人媽打李麗娟話，呢啲家庭都算安定咗落嚟，好似名慧鍾意彈鋼琴，都可以繼續學落去，因為「四大美人」搞嘅護幼基金籌得嘅錢，已足夠所有小朋友同BB讀完學士學位，同埋學音樂、畫畫以及跳舞等課外活動，即係話，大家完全唔使擔心佢哋嘅教育問題。
另外，八方聽聞馬時亨局長好開心，因為收到一位小朋友嘅多謝卡，多謝局長同局長太太帶佢哋去海洋公園玩，又送帽給他們。
所以話呢，做好事一定有好報嘅。
傳真︰2623-9278
電郵︰