數碼相機大行其道，愈嚟愈多人拎住部機周街影SnapShot。不過記憶卡容量始終有限，一般用家亦唔會有太大容量嘅卡，想喺戶外盡情咁拍攝心水靚相，除咗用外置硬碟抄低外，亦可考慮呢款即抄燒碟機DISPY。
呢部機由日本公司GreenHouse所開發，優點係機上設有記憶卡插槽，支援市面上六大記憶卡制式（富士xD卡除外），插入後可即時燒錄至CD上，方便自己外，亦可即時複製畀朋友，CD-R碟成本又唔高，好過Send電郵咁麻煩。
DISPY燒錄速度為24×CD-R，10×CD-RW，燒錄時間算快捷。賣價為32,800日圓（約港幣$2,100），有興趣嘅用家要留意腦場嘅水貨舖。
記者：徐影龍
相關網站：