7年前，玉置良三(Tamaki)老遠從日本家鄉來到香港發展，憑着精湛的廚藝令他由總廚做到飲食顧問，今天，他開設了一間自己「一腳踢」的食店，最近更自創幾款日式小食，有啲重係為瘦身女士而設的呢！
記者：何善華 攝影：梁細權
玉置良三在港居滿了7年，但他卻無衝動申請「入籍」香港。「自己生在日本，日本就係我屋企，雖然人在彼邦但心繫家鄉。」他表示，當年願意放棄在日本如日方中的事業，毅然到香港另闖新天地，主要因為太太是香港人，為了能長時間陪伴家人，他決定「博一鋪」來港發展。
我間舖＝我個仔
奮鬥多年，玉置良三終能擁有自己嘅食店。他表示除了負責廚房的工作外，食店的菜單牌內的所有設計、圖片拍攝、排版都是自己「一腳踢」搞掂。雖然他笑言這只是在空餘時間搞些「小玩意」；但其實他將「全副心機」放喺食店上，猶如將食店當作親生兒子般呵護。
平時食嘅「加州卷」大大件重要有好大嚿飯糰，唔愛食飯嘅瘦身女士一定耍手擰頭。但經玉置良三改良的「東洋卷」，外層用上淡味即煎嘅自製煎餅，再加入鰻魚、蟹子、牛油果等，味精欠奉，口感一流。
啱邊個食：「肥」不可攀嘅深田恭子。
老虎菜根嘅材料勁多，有牛筋、紅椒、甘笋、洋葱、芫荽等，是冷盤必食之選。一碟內不同酸辣嘅味道共冶一爐，就算一大班朋友一齊食都夠分。
啱邊個食：人多勢眾Morning娘。
這道菜一定要用黃油雞做材料，爽口之餘雞肉夠嫩，再加上秘製的黑芝麻醬溢滿於雞內，冷食味道令人耳目一新，少辣但惹味。玉置良三話這款菜式背後係有故事嘅：相傳有位丈夫念念不忘遠行妻子所製的黑芝麻雞，因此每次想起黑芝麻雞都會「流口水」喎。
啱邊個食：好有金童玉女feel嘅反町隆史同菜菜子。
沒有芒果成份的榴槤布甸，製法刁鑽。榴槤面鋪上由奶昔及椰子混合而成的甜汁，再放入焗爐焗20分鐘，表層「杰杰哋」，但食落既香又滑。玉置良三話連李珊珊食後都讚不絕口，甜而不膩。
啱邊個食：日劇《律政英雄》入面嘅木村拓哉——「有料」唔係睇外表嘅。
ZOMenu
地址：中環威靈頓街98-102號翡翠中心2樓
電話：28691470
營業時間：12:00nn-12:00mn