拍攝當日，Veronica柔聲說：「下個月嘅今日，咁啱係我同老公結婚1周年！」說着，幸福都寫在臉上。同樣幸福的老公Laurence，更兼享口福！事關Veronica下廚，總就着老公的口味來調校。好似Laurence不吃冬菇，Veronica就用貴價的花膠、海參來引誘他；又例如他胃痛，Veronica又會向人請教，學煲治療湯水……想擁有幸福婚姻，不妨從飲食下手！
記者：吳佩璇 攝影：楊錦文
雖然新婚未夠1年，但Veronica的入廚經驗卻非常豐富。她十六、七歲便隻身到澳洲升學，由於要「食自己」，故早已練就一身好廚藝。結婚之後，有了家庭觀念，更驅使她想每晚都返屋企煮飯畀老公食：「我哋兩公婆口味都幾夾，都鍾意食住家飯。」自己煮少油少肥膩、又能確保用料新鮮，對Veronica來說，最大的好處想必是可貼身烹調老公的至愛口味：「𠵱家煮嘢食，好多時都會盡量遷就老公嘅口味。」而且，無論工作如何忙碌，都堅持每星期最少煮三晚飯畀老公食，真抵讚！
自煮價：$35
Veronica自細飲開木瓜湯，早前老公經常胃部不適，聽老人家說胃唔舒服宜飲木瓜湯，Veronica就頻頻煲畀老公飲。飲完之後，Laurence果然話：「腸胃好咗。」但Veronica還未滿意，再請教奶奶如何煲靚湯，於是奶奶教路加淡菜吊味，味道果然更鮮甜。淡菜有下火作用，夏天烹調就最啱！
用咩料：
木瓜1.5個、煲湯豬骨1斤、眉豆及花生各4両、淡菜5両、蜜棗1粒
好易做：
自煮價：$325
老公Laurence一向嫌冬菇有陣味，Veronica為使老公不揀飲擇食，就用海參和花膠來燜冬菇，以引誘他的食慾。另外又用蒜頭和薑爆香以辟去菇味。花盡心機，難怪Laurence都好滿意：「慢慢燜到入味，令冬菇索晒花膠同海參嘅味道，當堂容易入口。重夠晒真材實料！」Veronica本人都好鍾意呢味菜，因為海參性質溫和容易消化，花膠更有養顏作用，營養價值高，老少咸宜。
用咩料：
海參2條、冬菇12隻、花膠1塊
芡汁：蠔油4湯匙、豉油、糖及麻油各少許、冬菇水1碗（可連冬菇椗）
好易做：