呢期DC場較抵玩嘅數碼相機，可算係日本富士最新推出嘅FujifilmA210，呢部機係富士xD家族新增添的成員，機身內置一枚1/2.7吋3百萬畫素CCD，鏡頭採用3倍光學變焦設計（焦距36-108mm），再另加9.6倍數碼變焦功能（但照片解析度降至640×480），機身背後配備一個1.5”TFT液晶顯示屏。
支援512MBxD卡
最方便都係佢放棄了專用電池的設計，起用較方便的AA電池（×2），出戶外影相時，要隨時補電源都方便啲，而且A210勁慳電，在省電功能輔助下，2粒AA電池在正常狀況下，可拍攝多達3,000張相片！此外呢部機重可以對應目前容量最大嘅512MBxD卡（現時香港128MBxD卡約價$440），呢個亦都係佢一大賣點！
現時A210已經開始有小量水貨來港，街價約在$1,800左右，不過由於來貨較少好快就賣晒！DC場Sales話呢部機介面易用到好似儍瓜機一樣，新手最啱用，有心想買者，不妨去深水埗一帶逛吓！
記者：朱崇德