美國女歌手ChristinaAguilera嘅荒唐史我羅拉都聽唔少，最近一個自稱係英國哈里王子朋友嘅Band友戴倫（DarrenHajul），就喺英國小報大爆同Christina嘅風流韻事，大讚Christina床上表現狂野，令佢回味無窮。
戴倫話自己一向同哈里王子蒲開，又自稱係英國樂隊MostWanted嘅靈魂人物，據佢講，今年年初Christina去倫敦宣傳嗰陣，同佢喺夜店邂逅咗，當時Christina不停採取主動挑逗佢，當晚就帶佢返酒店享受魚水之歡。之後Christina食過翻尋味，主動送咗張頭等來回機票請戴倫去佢邁阿密屋企，喺佢張四個人都瞓得落嘅大床上面不停咁做愛，做足兩日兩夜。
戴倫話Christina喺床上面就好似火箭一樣停唔到掣，而且重教曉佢好多聞所未聞嘅性愛招數。佢重話Christina嘅前戲招數多不勝數，不但喺佢面前跳脫衣舞，重會要求男方幫佢搽香薰油，話咁會令佢更加興奮喎！
Christina重被指有玩SM嘅傾向，戴倫話佢哋行房期間，Christina會主動要求戴上手銬同皮革用品。雖然經過呢次之後戴倫就冇再機會同Christina見面，不過戴倫話：「大家都係出嚟玩嘅，我哋根本冇諗過要嚟真。」