強積金上半年回報率報升百分之六點四，收復番些少失地；八方前兩日喺中環麗嘉酒店，見到積金局行政總監許仕仁一支公飲下午茶，於是走埋去問吓佢近況。點知尚未開口，許老爺已經搶住話自己重喺積金局，要做到八月；佢又話已經安排好，八月飛去歐洲，九月、十一月飛去日本睇歌劇。據八方所知，做到八月只係官方合約上嘅期限，實則做埋今日就可以拜拜，逍遙去也。
查實許仕仁四月先去過歐洲，今個月初又喺日本睇完歌劇返嚟。要知道沙士肆虐期間，人人都唔肯坐飛機，航空公司蝕到喊，但許仕仁就不停飛，航空公司真係要多謝佢。
許仕仁又話除咗睇歌劇之外，自己真係打算退休，冇新動向；八方問佢會唔會搞生意，佢就好認真咁講：「𠵱家搞生意？未死過呀？」
傳真︰2623-9278
電郵︰