邊個女人唔愛靚？但買化妝品買到成迷的都算瘋狂。呢位SK-II的絕對支持者，唔單止擁有化妝護膚品和精品禮物，甚至自費飛到日本入貨。除咗產品好用外，最重要係佢有一班明星落力宣傳，吸引Fans。
記者：羅惠芬 攝影：楊錦文、陳智良
SK-II歷年來搵過唔少代言人，由最早期的琦琦、關之琳、劉嘉玲，到近期的鄭秀文、舒淇等。「老實說，明星效應絕對是我買的原因之一，每個代言人我都好鍾意，搞到自己唔買唔得。」估不到明星效應果真厲害。
熟悉SK-II的人都知，佢喺日本有唔少獨家貨品，香港無得賣。作為死硬派擁躉的Cindy自然唔甘心，每次到日本公幹旅行，無論時間幾緊迫，都會去專櫃入新貨。
有人愛第一支由舊男友送香水辦，Winki當它如珠如寶，怎也不肯讓我們看。「試過有朋友打爛咗支香水辦，我好唔開心，之後非必要我都唔俾朋友掂。」Winki愛她的香水辦，更用電腦編寫了一份資料，幾時買、有何特色等，一一仔細記錄，落足心機。
現時她每月會花$500-$600買香水辦，更提醒各位有心收藏香水版的人買時要速戰速決。「見到啱就要即買，轉頭再搵分分鐘搵唔番。」
Cindy在十多年前第一次試用朋友送的SK-II後，滿面暗瘡好番晒。但一直等到三年前，她才自掏腰包入貨，原因係價錢並不便宜。所以一到經濟環境許可時，她便將化妝枱上的護膚品統統換上此品牌。最瘋狂更一次花過萬元，包括買十盒FacialTreatmentMask㖭！「瘋狂，其實因為我捨得用。面膜我差不多晚晚敷，自然支出大啦！」難怪Cindy只用了三個月時間，已經成為SK-IIClub的鑽石級會員（需於一年內買滿$8,000產品）。現時Cindy每月大約用五千元買護膚品，依然主攻面膜。
即睇戰利品