女子組合Twins的蔡卓妍（阿Sa），自幼便很活潑。小時候每次隨父母郊遊，阿Sa一見到山澗便立即忘形，更將衣服連底褲脫清光，落水玩個痛快！
二人女子組合Twins的成員蔡卓妍（阿Sa）一向予人活潑開朗的感覺，她從小就是父母的掌上明珠，雙親對她十分疼愛，只要阿Sa的要求不過份，父母均會有求必應。
問阿Sa最難忘的童年趣事，她想了一會即忍俊不禁。阿Sa表示小時候每逢假日，父母便會帶她到郊外玩耍。阿Sa還自爆有特殊癖好，她日前說：「我去親郊外都玩得好開心，每次見到山澗，知道可以玩水，我都必定會唔理一切除晒衫，然後即刻跳落水玩番夠本。」
當阿Sa帶頭「除衫」後，身旁的小朋友見狀亦會有樣學樣。阿Sa說：「我好激㗎，當其他小朋友都跟住我做，但佢哋都有所保留會除剩條底褲，只係我會連底褲都除清光，𠵱家諗番都幾激！」阿Sa謂玩完水後，會自動自覺抹身着衫，跟隨父母回家。阿Sa對這件事印象深刻，因為家中收藏了這些三點盡露的照片，不過純屬私人珍藏，不方便公開！
問阿Sa她這樣頑皮，父母沒有加以制止嗎？阿Sa說：「冇㗎，可能喺佢哋嘅視線範圍之內，所以爹哋媽咪都好放心我咁樣玩。不過其實爹哋同媽咪又真係幾縱我㗎，就算我曳就都好少打我，最多同我講道理囉！」
採訪：比華利
