新車速報：<br>新版寶馬325CiCabriolet330CiCoupe新貌示人

新車速報：
新版寶馬325CiCabriolet330CiCoupe新貌示人

一直擁有高銷量嘅寶馬3系，早前廠方推出Facelifted新版，主要集中車頭及車尾部份嘅外觀改動；除全新頭燈、大型氣霸外，另外重有多盞式尾燈編排，皆予人有一新耳目嘅時尚個性。其中，新版嘅325Ci開篷及330Ci轎跑車，更率先運抵香港，想響新修訂嘅汽車首次登記稅下，擁有一部咁有個性又見跑格嘅新車的話，就不妨認真考慮吓噃！

記者、攝影：陳偉林
ImageGirl：Cherry
逢星期一至日出版

■電動軟篷頂以輕觸式一按操作，既簡便又見易於操控。


Facelifted新版成熟有型
各自演繹唔同個性風格嘅寶馬330Ci轎跑車（售價為$481,450）同325Ci開篷車，經過一番細意改動後，響全新頭燈、大型一體式氣霸及多盞式尾燈編排下，要變得更趨成熟吸引，當然少不了重有一份跑意盎然嘅幹勁㖭！



HarmanKardon音響享受出眾
講到座艙鋪排，兩款車同樣擁一個既舒適寬敞，又見乘坐貼身富承托感嘅皮椅組合；其中，最愜意莫過於一對前排座席，置有全方位電控外，還有一套悅耳動聽嘅HarmanKardon高級音響裝置，響恒溫冷氣嘅涼風滲透下，自然倍感享受至高呢！

■前後兩排空間闊落舒適，重各置有高質HarmanKardon揚聲器，予人享受至高至優越。

記者試完車後覺得點？
代理運嚟Facelifted新版3系雙門轎跑車及開篷車型號，經修飾後嘅面貌更見成熟富時代感，除予人緊隨時代節拍外，性能及操控表現還留有強而可靠嘅印象㗎！

性能及操控同樣叫好
兩部新車當中，相信最為車迷追捧莫過於至能迎合時下潮流嘅開篷325Ci型號，一台2.5公升直6偈，匹配5前速Steptronic半自動波箱，既易於操控外，佢重備有主動式電子DSC系統，加上四輪高效能碟煞、ABS連EBD裝置，還有CBC組合下，拐彎抹角自然更勝一籌啦！