今年雖然要過一個遲來的暑假，但靜蓉、思俊、雪盈同天浚四個小朋友，一早就搵定節目，齊齊話要做小廚神！咪睇佢哋年紀細細唔慌識下廚，其實只要揀啱食譜，小朋友都絕對可以「食自己」！四位小朋友今日夾手夾腳，分別示範整Pizza和消暑飲品，細路同大人都可以跟住做。
記者：吳佩璇
攝影：梁細權
原來思俊、天浚、雪盈、靜蓉四個小朋友，對早前日日罩不離口的日子都有體會，希望疫後都出點力，支持本地消費。於是，佢哋同爹哋媽咪，在商場購物滿指定金額後，成功換取了酒店的住宿套餐。入住後，在酒店安排的各式活動中，他們都不約而同參加了「廚樂無窮」，齊齊學做小廚師。
對於平時甚少入廚的小朋友來說，要他們學煮，首先得從有趣好玩方面入手。好似Pizza咁，大部份小朋友都鍾意食之餘，重勝在可自選餡料，小朋友左搭右配，鍾意食乜就落乜料，容易整又有自主權。其他如沙律或簡單的自調飲品，唔使開火兼顏色鮮豔，都是很好的入廚第一課。大人既可從中教授食物名稱及其特性，同時增進親子關係。靜蓉他們幾個小朋友，重異口同聲話「自食其力」份外好味！
四個小朋友又調飲品又整Pizza，但都一致地認為整Pizza最好玩。可能是材料豐富之餘，還可選擇性地只揀自己鍾意食的材料，夠晒百變。故以下提供的食譜，可按喜好自行加減用料。
用咩料：
現成薄餅皮1大塊；紅、綠、黃椒各半隻；洋葱1個；煙肉3安士；粟米粒1罐；菠蘿半罐；火腿4安士；番茄3個；Pizza醬3湯匙；Pizza芝士4安士
好易整：
1.小朋友整Pizza，不妨先在餅皮上𠝹出不同的形狀，增加趣味性。
汽水、果汁飲得多都會悶，所以幾個小朋友做完小廚師，又話要做小酒保，重一次過自調了「小蜘蛛」同「波斯貓仔腳」兩杯不同口味的飲品。前者本是可樂加朱古力雪糕的黑牛，但我們改用了呍呢拿雪糕，貪白色的呍呢拿雪糕撞落沉色的可樂中，顏色對比較強，更適合小朋友調校。「小蜘蛛」的味道酸酸甜甜，容易入口，而且以果汁來調校，比飲汽水之類來得有益健康。兩種飲品的材料都容易購買，屋企雪櫃隨時會有，又夠易做，最啱細路！
波斯貓仔腳
用咩料：橙汁4杯；菠蘿汁4杯；紅糖水少許；雞蛋1隻
好易做：
1.先在調酒器內加少許冰，分別倒入橙汁及菠蘿汁。
2.加入少許紅糖水（視乎自己鍾意飲幾甜），最後打入雞蛋。
3.用力搖勻，即可倒入杯中享用。
小蜘蛛
用咩料：可樂半罐；呍呢拿雪糕2球
好易做：
1.先加少許冰於杯中，再倒入可樂。
2.𢳂入雪糕球即成。
你都想玩，點參加？
於11個指定恒基兆業及尖沙嘴美麗華商場購物消費滿$345、$567或$789，便可憑單日發票到詢問處或換領專櫃，換取美麗華酒店「健康生活樂逍遙」套餐優惠券1張。憑優惠券加$345起，即可住宿兩日一夜或三日兩夜，包早、晚餐之餘，重有好多活動參加（以check－in日計）。除上述薄餅及小酒保活動，重有他其他大人啱玩的主題活動。
換領期：即日至7月31日查詢：23681111
網址：