音樂電視頻道VH1經常都會舉辦好多選舉，之前有一百首最偉大情歌、一百個最偉大MV同一百名最性感歌手等，而VH1聽晚嘅節目就會公布佢哋選出嘅五十位最偉大青少年偶像排名，咁即係話入選嘅五十個單位，曾幾何時都迷倒過萬千年輕人。
雖然BritneySpears人氣愈嚟愈低，但係仍然名列最偉大青少年偶像之首，我羅拉覺得可能因為早幾年佢嘅出現，令青少年流行音樂再掀起熱潮，而佢多年嚟嘅勁敵ChristinaAguilera就只排第二十三位。
Christina最近搵咗鬼才攝影師DavidLaChappelle幫佢拍新MV《Can'tKeepUsDown》，不過MTV台就話佢個MV太過露骨，要刪剪，搞到Christina好鬼㷫，重話如果嗰單嘢發生喺男歌手身上嘅話，就唔會被刪剪喎！
除咗歌手之外，唔少影星包括當年憑電影《油脂》及《周末狂熱》風魔萬千少女嘅尊特拉華達（JohnTravolta）排第九位，而《青青珊瑚島》嘅波姬小絲（BrookeShields）都有入圍。
至於里安納度狄卡比奧（LeonardoDiCaprio）同湯告魯斯（TomCruise），當然榜上有名啦！