今日沙田會舉行首場由荷花親子集團主辦嘅慈善馬拉松爬行大賽，參賽者所繳付嘅$20報名費會捐畀「地中海貧血兒童基金」。玩之餘重可以做善事，話唔定BB將來會成為短跑或長跑好手！
地點：沙田新城市廣場（羅馬廣場）
時間：中午12時至下午6時
高溫下最好當然係匿入商場Shopping兼歎冷氣，荷里活廣場最近與多間餐廳推出幾款特價消暑甜品同雪糕，只要憑場內所派發嘅優惠券到指定商舖購買指定甜品，就有特價甜品食，夏天啱晒。
今日去奧海城行街購物只要滿$300，憑兩張唔同商戶嘅發票就可以參加電腦抽獎遊戲，玩完遊戲重可以獲得「幸運現金大派彩」抽獎券乙張，有機會贏取大獎20萬免找數簽帳額，細獎亦可獲得手提電話，抽獎次數不限。
都市人日忙夜忙，連做身體檢查都無時間，今日聖公會麥理浩夫人中心及香港健康協會就舉辦了一個名為夏日健康大檢閱嘅活動。除了提供免費身體檢查外，同時有專業人士即場作健康輔導，重有中醫會診及手力穴按等。
地點：葵涌和宜合道22號聖公會麥理浩夫人中心
時間：下午2時至4時
查詢電話：24266075
很多人都想進修一吓，為自己增值，不過除咗傳統嘅課程之外，你又會否想學吓藝術課程，為自己加添一點藝術氣息？想知多點，可以喺今個星期日去尖沙嘴地鐵站，到藝術中心藝術學院擺嘅課程諮詢攤位，屆時會有專人解答藝術進修嘅問題，有興趣嘅話重可以即場報名㖭！
地點：尖沙嘴地鐵站
時間：中午12時至晚上10時
查詢電話：29222822