闊袍大袖、衣不稱身，不等於HipHop，因為女仔玩HipHoplook，衫褲一定要窄身。
除非你騎着馬，否則牛仔褸襯牛仔褲再加長Boot，也不是時下流行的AmericanStyle。
還有何問題？有問題就問店長Fatsin與Karen。
Fatsin評語
Kelvin是屯門仔，自言少出旺角，只懂跟足潮流雜誌推介買衫，Fatsin評他鬼五馬六：「唔鹹唔淡AmericanLook，好明顯佢唔熟品牌，除咗對鞋之外無件係美國牌子，底衫太多，件白色tee太單調，無色彩，望落去個人唔夠sharp，兼且太多首飾，整條佛珠喺手就更加九唔搭八。」
Karen評語
Mon是imagegirl，Karen評她衣着太普通：「一句講晒太過MKFeel，行出旺角撞口撞面都係呢類look，牛仔褲唔多啱身，黑色tee色彩太單調，望落人都好似老幾年。其實佢身材幾好，腳夠長，膊頭夠闊，都好適合玩HipHopLook。」
Fatsin打從16歲在信和水貨舖買第一對波鞋JordanVIII開始，便深深愛上美國文化：「夢想去美國，狂掃黑膠碟，睇一次湖人隊比賽，去一次拉斯維加斯賭兩手，坐賭場嗰架超長Benz。」夢想尚未成真，他自言現在的生活只可力求美國化：「用萬幾蚊買咗個唱盤，自學捽碟，又學得掂喎，咪喺蘭桂坊、灣仔啲club做part-time捽碟囉，我𠵱家重學緊BreakDance㖭。」
Fatsin認為AmericanStyle的特色是舒服、耐用、簡單：「一句到尾即係後生斯文look，記住美國人其實無乜fashionsense，啲衫最緊要四季都啱着，有無睇過《DiscoveryChannel》，裏面嗰啲甚麼大學生呀、甚麼考古學家個look咪最AmericanStyle。」
除大路PoloShirt外，可考慮穿現在最流行的幾款美國牌子tee，貪其色彩與圖案比較豐富，易襯衫得多。
美國Cap不愛玩圖案，多數淨色，除了logo之外，沒其他多餘花紋。
着重耐用，美國鞋多數出厚底鞋，生膠底，Avirex這正宗美國牌子是最佳例子，Timberland宜襯長褲，Gravis宜襯短褲。
（a） 店名：T.I.E.Shop（24302283）
地址：屯門市廣場1060號舖
營業時間：12:00nn至10:30pm
（b） 店名：TakeItEasy（23686978）
地址：尖沙嘴加連威老道47號地下
營業時間：12:30pm至11:00pm
「有人以為HipHop衫就等於加大碼，着乜都超鬆身，咁睇係錯。」Karen說：「呢類衫充其量只可以叫做板仔服，但板仔服唔代表得晒HipHop。」HipHop大約在3年前興起，傳統港人的崇洋跟風心態驅使下，穿板仔服、聽R&B歌漸成潮流。「港人開始識聽宇多田光，之後聽陶喆、周杰倫，陳小春又學人唱R&B，Sammi首《愛是》搵LMFRap一段，又話自己係HipHop咯。」
「香港嘅HipHop文化重好幼稚，就講番衫，鬼佬可以簡簡單單一件tee，大大隻字寫『ILoveNewYork』，喺香港唔通又整番件『ILove上水』tee咩？人人以為HipHoplook等於闊袍大袖，我敢講一定錯，鬼妹玩HipHoplook，bratop一件加超迷你裙，就係咁多。所以港女玩HipHoplook，首要條件係衫褲要絕對貼身。」
Karen：「貼身好蝦女仔着，自問身材好，有線條，可以考慮着Rocawear嘅HipHopitem。」
Karen：「HipHop唔一定要帶帽，頭細面尖嘅女仔帶帽至好睇，帽舌移向邊一邊都無所謂，最緊要戴落去夠自然。」
嫌Nike太大路，人着我着毫無性格的話，可襯正宗美國牌子Avirex波鞋。
低腰褲，褲要盡情地緊，盡情的貼身，凸顯女性腿長線條。
HipHop傳統，包頭巾時由額頭將近髮線位置開始綁起，連頭殼頂一併包，時下HipHop舞蹈員最流行的包法如下：