章小蕙與男友Wilhelm打得火熱，前晚男友從外地回港，章小蕙即穿上一件極度性感的低胸上衣，與男友拍拖出席「XELIBRI大派對」。
章小蕙坦言真空上陣，問她是否要男友護花，她說：「件衫好貼身，唔怕走光。我着得咁性感，有男仔陪住好啲，Wilhelm除咗做我bodyguard外，佢重係贊助我行街、睇戲、食飯嘅好朋友。」
章小蕙男友Wilhelm被記者包圍拍照，神態自若，章小蕙大讚：「佢天生明星格，好健談又叻，上次扒龍舟好得體，連楊小娟都話佢十足金毛尋回犬一樣咁純品。」而章小蕙在赴派對前，在中環被路人搭訕，更跟隨她過馬路。
此外，廖碧兒及劉愷威，陳見飛與EO2的Eddie兩對緋聞情侶前晚前後腳到場，Eddie被要求與陳見飛合照時，即走開並說：「影乜呀？」
採訪：顏英儀、王連連
攝影：仇志德
