DoubleR前晚舉行的音樂會因請來劉德華契女鄧肇欣任嘉賓，吸引華仔到場打氣。在場觀眾紛紛上前向華仔索取簽名，令音樂會頓變華仔簽名會，不過DoubleR成員范振鋒不但未因華仔搶風頭而不悅，反因獲偶像捧場而感動落淚。
組合DoubleR成員梁奕倫和范振鋒前晚在理工大學舉行《Giveyouadouble.r音樂會》，請來黃伊汶、張玉珊、天幕新人鄧肇欣及啤梨等任表演嘉賓。
前晚開場不久，劉德華突然現身為契女鄧肇欣打氣，大批歌迷即蜂擁上前圍觀及索取簽名，頓時搶去在台上表演的DoubleR風頭，而華仔對歌迷亦有求必應，令音樂會一時間竟變成華仔簽名會，持續逾五分鐘後，保安見場館秩序顯得頗混亂，便驅趕歌迷返回座位。不過DoubleR卻未有為風頭被奪而生氣，成員范振鋒更一度因獲偶像華仔捧場而感動落淚。
事後華仔到後台，大讚鄧肇欣，華仔說：「佢跳得幾好，不過緊張啲，佢跳舞好過我好多。」華仔又說：「佢細細個八、九歲就契咗畀我，佢當時嚟睇我拍《轟天龍虎會》，佢契畀我，佢阿哥契畀尹揚明。」而鄧肇欣則說：「我一早知契爺嚟捧場，佢叫我加油同努力，我契佢時都唔知佢係大明星。」
鄧肇欣今年二十二歲，於荷蘭出世，後到加拿大留學，去年來香港旅行時參與天幕新戲試鏡，之後接拍劉德華投資的《給他們一個機會》。
此外，黃伊汶前晚穿上大露背裝與梁奕倫跳辣身舞，黃伊汶還捐過梁奕倫的褲襠，事後梁奕倫說：「我當時覺得面紅，個人好滾。」而梁奕倫與范振鋒表演期間，大掟塑膠吹氣結他，並揶揄愛掟結他的謝霆鋒說：「掟結他其實係一種藝術，有啲人有錢掟結他，我哋冇錢就掟吹氣結他。」引得全場大笑。
採訪：馮美茵 攝影：卓美娟
