有「上海首富」之稱的周正毅及其妻毛玉萍涉嫌貪污及商業詐騙，毛玉萍契妹張東琳月中曾被廉署扣留兩天，其後獲准保釋。
張東琳前晚與繆非臨結伴到灣仔出席「XELIBRI大派對」，張東琳悉心打扮，心情輕鬆，她說：「我上次都係協助調查，好小事啫，可能因為我係家姐比較熟嘅圈中人啦，我知重有其他人受調查，我就只係問啲好普通嘅嘢。」問她可有聯絡毛玉萍？張東琳說：「上星期見過面，初時見佢瘦咗又憔悴，我都好擔心，𠵱家佢心情已經平復番。」
問張東琳可有慰問身在內地的周正毅，她說：「我唔係好清楚情況，聯絡唔到佢。不過家姐冇開始時咁緊張喇，相信佢都會度過難關。」
採訪：JessicaNgan 攝影：EdwardChou