趙頌茹（阿Yu）前晚在泰國拜四面佛後返港，提到有傳其唱片公司放料，製造她與陳冠希（Edison）緋聞，惹得陳冠希不滿一事，阿Yu說：「我都唔係好開心，我明白點解Edison會咁嬲，我即刻打咗畀公司，我信公司唔會咁做。成件事係時間上嘅巧合，有啲嘢係咁啱啫。」
阿Yu表示沒有致電Edison，她又謂：「我歌迷會個logo搞得七七八八，都會搵佢繼續做埋。」問阿Yu會否避忌？她說：「唔會，有事先要避，我哋都冇。」對Edison聲言以後會對阿Yu有戒心，阿Yu說：「佢係怕嘅話，我都尊重朋友嘅決定，但我相信唔會影響友情，我遲啲會聯絡佢。」
採訪、攝影：陳慧安