【本報訊】港府在二十三條立法過程中罔顧民意、一意孤行的態度，比二十三條本身更激起民憤。多名決定七．一上街的導演都表示，不反對國家安全的原則，但不滿港府「霸王硬上弓」。導演張同祖更痛斥港府官員：「擺出一個『吹咩』嘅態度咁樣，你當我冇到，我使乜要畀面你呀！」
導演張同祖昨在科學館出席「外星人擄劫真相研討會」時表示，七月一日會以個人名義參與遊行，導演會不會打正旗號上街。
張同祖激動地表示：「國內嘅政策都開始會順從民意啦，香港話乜嘢『一國兩制』呀，咁樣不如『一國一制』啦！香港政府官員啲態度算係點呀？好似擺出一個『吹咩』嘅態度咁樣。你當我冇到，我使乜要畀面你呀！一直以嚟，香港人接受嘅法制就係，要有證據先可以起訴，加上又可以自己請律師。𠵱家只要佢懷疑你就得，呢個係乜嘢世界呀？咁樣唔通㗎。」
他三罵政府黐線：「政府立法對市民都冇足夠諮詢，好似好強橫咁。國內都可以自己請律師啦，所以政府好似行返轉頭咁樣，黐線……總之七．一就係我嘅生命，我唔會畀人控制我嘅生命，黐線。點解個政府突然間會變得咁蠢？黐線！」
對於左派人士批評反對二十三條立法就是不愛國，公開表示會參與七．一遊行的導演陳嘉上，昨出席港台「清談一點鐘」節目時，形容自己是「極左派」，每年國慶都會在家中播國歌。他指出：「國家安全無人會反對，我哋反對嘅係個過程，反對掩耳盜鈴、指鹿為馬嘅態度！」
前任廣播處處長張敏儀昨出席電台節目時批評，港府未有用心與市民及各界溝通，導致民間對政府失去信心，而未來最重要的是要重拾港人的凝聚力。