梅艷芳對曾與她傳緋聞的契細佬謝霆鋒真是愛錫有加，前晚她出席手機派對時，對簡炳墀公開指霆鋒借女友王菲博宣傳，她動氣大罵簡炳墀說：「簡生話實事實幹嘛，就幹佢自己囉。」
梅艷芳、馮德倫、張東琳、繆非臨、鄧健泓及楊千嬅等前晚到灣仔星街出席「XELIBRI大派對」。日前謝霆鋒與退休練馬師簡炳墀展開罵戰，霆鋒被簡炳墀指借女友王菲博宣傳，阿梅前晚就力撐與他曾傳緋聞的契細佬霆鋒，大罵簡炳墀。
阿梅怒斥道：「簡生都幾好笑，佢做馬圈，娛樂圈關佢乜事？我唔係替霆鋒唔抵，簡生話實事實幹嘛，就幹佢自己囉，佢係乜嘢人呀？佢睇唔起娛樂圈，我哋亦唔需要睇起佢，我唔識佢，我哋只係實事求是。」
問阿梅可覺得霆鋒有實力，她說：「霆鋒有實力，唔需要擔心。」問阿梅若見到簡炳墀會否與對方打招呼？她稱：「我唔識佢，佢係邊位呀？」
阿梅對於霆鋒被指借女上位，她又為霆鋒辯護說：「佢係是非命，我同佢講話，唔紅點會有是非，我勸佢唔好太執着，我都俾人寫過好多次。」
另外，早前莫文蔚大方承認與馮德倫（Stephen）的戀情，但久未露面的Stephen前晚出現時，卻大耍太極。問他為何女友不出現？他即說：「乜嘢女友呀？邊有呀？」當記者告知他莫文蔚已公開戀情，Stephen說：「我唔喺香港唔知乜事，畀條路我行啦。」
Stephen近日忙為成龍新戲擔任導演，他謂欲找謝霆鋒參演，至於女友莫文蔚，他則說：「佢好忙㗎，人哋要去荷李活拍大哥嘅戲呀。」再問他是否已揀定莫文蔚作終身伴侶，Stephen說：「我冇承認過呀，是但啦，我冇睇報紙，我打畀佢問咗先啦。」問他喜歡莫文蔚甚麼，Stephen則說：「佢咁索，唔難搵到鍾意佢嘅嘢。」問他莫文蔚在其心中是否一百分？Stephen說：「點止呀，不如講我做何超儀伴郎啦。」Stephen提到霆鋒與王菲復合時說：「佢成日都又離又合㗎啦。」
採訪：王連連、顏英儀
攝影：仇志德
