八方噚日去馬場食晏，遇見馬主L，佢話遲吓有排忙，因為要刨波經。原來前晚馬會安排咗一場簡報會，由馬會主席夏佳理向遴選會員報告有關賭波嘅進展。
馬主L話：「據我所聽到，如無意外，八月二號就有波賭，由德國甲組聯賽打頭炮。」至於點賭法，佢就話未知，一切要等馬會公布。
據知，前晚個會都好熱鬧吓，二百個遴選會員有成五、六十個到場聽滙報，夏佳理亦有向佢哋查詢意見，例如投注站人迫迫嘅問題點解決。熱烈地溝通咗一輪，馬主L亦好關心《蘋果》波經有乜新搞作，八方就應承幫佢打聽打聽。
傳真︰2623-9278
電郵︰