玩了磯釣近十年的余海良（圖）慨歎，由於愈來愈多人釣魚，加上港內不斷填海，要找適合地方釣魚愈來愈困難。
余伯（余海良）三年多前與一班志同道合、熱愛磯釣的朋友組織「金濤磯釣組」，閒時相約到港內釣魚，而每星期亦會有一次安排船到外礁釣魚，目前會員人數超過三十。
余伯說：「磯釣可以話豐儉由人，架生（器材）可以貴到近萬，但用千零蚊嘅亦都可以買齊一套包括救生衣、魚竿同鞋等必需嘅裝備，就咁已經可以到外礁釣魚；如果係港內釣則只需幾百蚊已可買齊全套架生，足以用來釣大魚。」
他說：「近年因為填海令到海水污染，要搵地方釣魚的確唔易，所以要經常發掘釣魚地點。一般嚟講，大魚喺日間多數會去深水嘅海底，所以日間釣到魚嘅機會比較細，反而大魚喺夜晚會靠岸休息，所以夜晚釣到魚嘅機會比較大。」