昨日掛牌兩隻新股真厲害，聯華超市（980）較招股價高9.7%，收4.25元，味丹國際（2317）更高出18%，收1.05元，有貨在手真係開心到不得了。不過，小初有多少唔明，點解味丹的成交量竟然同聯華差唔多，莫非芬佬真係搶貨搶得咁交關？
經紀陳話，小初實在唔了解台灣人嘅特性，只要睇吓台灣股市，就知人哋愛打拚。有台灣資金幫手，散戶同炒家見到個場夠旺，自然會加入炒作，成交當然強勁，同時亦解釋埋點解配售股份雖回撥至公開認購，在散戶貨源大增的情況下，股價亦一樣炒得上。
經紀陳重話，如果小初夠膽嘅話，仍然可以追入，相信兩隻新股唔會玩一日咁失禮。
講開聯華，就不得不提百記前一隻力作比亞迪（1211），雖然傳出大股東按股，又話芬佬對民企有戒心，但比亞迪股價穩步上揚，噚日再升5.59%，收17.95元，升回一年最高位咁滯。
經紀黃話，聽唔到有特別消息，可能係6月30日芬佬要造半年結。
慕容小初