古天樂昨日舉行新歌《吻得到愛不到》MV首播及寫真記者會，古仔在MV內以007扮相現身，更有只穿T-back的無上裝女郎演出，故足本MV只能在卡拉OK播放，電視版本則要刪剪後才能播出。
古天樂早前拍攝新歌《吻得到愛不到》MV及到塞班島拍攝寫真，昨日他在半島酒店舉行記者會，首播該MV。古仔在MV內以007特務造型亮相，更不時出現只穿T-back內褲的無上裝女郎。
古仔所屬的MusicNation唱片公司負責人李進表示，該MV只會在卡拉OK播映，另外亦有經過刪剪的潔淨版本在電視播放。
古仔早前曾表示，MV內的三級鏡頭已刪剪，但他昨日卻說：「我上次講大話咋，其實當日我拍到半夜四點，走嘅時候先有人通知我拍番，個女dancer怕尷尬重清場㖭，我都冇睇到。」
古仔表示該MV後期製作花了三星期，製作費近一百萬。李進稱古仔早前推出新碟已有金唱片（二萬五千張）銷量，現會加入寫真及MV，再推出新版。
而古仔在寫真中穿着螢光綠色泳褲拍激凸照，他表示沒看過照片，亦不會要求公司不刊登激凸照，他說：「啲泳褲係我自己揀嘅，平時我都係着啲咁sharp嘅色㗎，但唔係三角褲，T-back？點着呀！」
日前有雜誌指古仔缺席商台的抗炎音樂會，是怕表現不好及與其他歌手比較，古仔說：「我嗰日真係病，體能應付唔到先缺席。我承認我係唔記得歌詞，唱得唔好。」
古仔近日同時拍攝《忘不了》、《豪情》及《戀上你的床》三部戲，感到十分疲累，他稍後會舉行簽唱會，問他會否唱現場？他說：「睇吓到時乜情況，有時我真係攰到講嘢都冇氣，『咪嘴』都係迫不得已。」
採訪：李珮洳 攝影：何國豪
