七．一大遊行前，特首董建華突然召見演藝界人士，宣布港府正與內地緊密聯繫，商討開放內地電影市場。向來敢言的林建明昨日質疑董建華何以選在大遊行前做騷，又指董建華的誠信和往績不值得信賴。林建明更透露有些一直反二十三條的演藝人忽然轉軚，她呼籲各界不要受董建華言論影響而不參與遊行。
為反對特區政府漠視民意、匆匆為《基本法》第二十三條立法，全港各個界別包括法律界、醫學界和宗教人士等，都公開表示會參與七月一日（下周二）舉行的反二十三條大遊行，而演藝界多位知名導演如陳可辛、陳嘉上、杜琪峯、谷德昭、陳果和張堅庭等，也表示會參與遊行。
在七．一大遊行前，特首董建華突然會見電影界人士，包括演藝人協會會長梅艷芳、導演吳思遠和施南生等，宣布港府跟內地已取得初步共識，未來港產片可自由進入內地市場。
演藝界人士對內地市場開放一事，自然表示歡迎，認為此舉對港產片市場有一定幫助。不過，身為演藝人協會執委的林建明，昨日卻以個人身份質疑特首揀選在七．一遊行前才提出此事是另有目的。
遊俄國體會自由可貴
昨日林建明在電話中頗為激動地說：「我今次係以個人身份去發表言論，因為我啱啱去完東歐旅行返嚟，睇到以前好保守嘅國家，好似德國同俄羅斯咁，雖然話𠵱家開放咗，但啲人民重因為好擔心而一啲都唔快樂。但一去到荷蘭呢啲自由國家就完全唔同，人人面上布滿笑容好開心咁，令我真正感覺到自由嘅可貴。」
林建明續說：「其實七．一大遊行就係爭取呢啲嘢之嘛！但我見到喺遊行前董建華做咁多騷，召見演藝界，話電影可以入內地市場，佢遲唔講早唔講，偏偏呢個時候咁講，我希望演藝界啲人有腦，唔好俾佢影響到而唔去遊行。
田蕊妮：唔擔心後果
「我睇到有啲演藝人轉咗軚，以前有啲人對反二十三條好熱心，但𠵱家有啲人就話對政治嘅嘢冇乜感覺，有啲又話到時唔喺香港唔得閒。我擔心有部份人俾佢（特首）嘅言論影響到，所以先至出聲，提醒大家去判斷，究竟佢過往誠信係點？佢成績係點？佢講過嘅嘢係咪真係做得到！」林建明又表示一定會參與遊行，更呼籲所有參與遊行的人士能帶同親人參加。
另一方面，記者昨日致電導演會會長張同祖，問他可知有哪些演藝人忽然轉軚時，張同祖表示不大清楚，他說：「二十三條對創作有影響，對一個人有影響，我只係以一個電影工作者身份去參與遊行，冇話正式聯絡過啲乜嘢人去。」
此外，杜汶澤日前揚言必定會參與七．一遊行，其女友田蕊妮昨日在電話中表示定會陪同男友出席。問田蕊妮有否擔心後果時，她說：「去得就唔會擔心啦！我覺得有言論自由好緊要，唔係唔畀港府立例，只係唔需要咁急，可以再做多啲民意。」
採訪：戴彩煥、卓寶花
