炎炎夏日，在三十多度高溫之下，張婆婆仍然將一碟二碟的食物放在餐桌上，僅用筲箕輕輕蓋着，衞生情況令人側目。「冇辦法啦，雪櫃壞咗，啲隔夜餸我又唔捨得丟，不過，我食之前都會聞吓有冇臭味嘅，暫時都叫好彩，未試過食到肚痛。」
張婆婆的家甚為凌亂，且不時傳出陣陣異味，她靦腆地說：「真係好失禮，間屋好似個垃圾崗咁，都係個儍仔成日搞亂檔啦！」張婆婆口中的「儍仔」，正是現年二十五歲，與她相依為命的智障兒子。
六十四歲的張婆婆，一生坎坷，她原育有三子一女，可惜當中三人先後離世，其老伴亦於前年撒手塵寰，年老體弱的她，晚年遂與么子靠綜援金生活。
張婆婆家裏大部份家具、電器都是二手舊貨，最近她好不容易才儲了五百元，添置了一部二手雪櫃，詎料用了僅數個月便告失靈，令張婆婆大為氣結。「之前部雪櫃係街坊畀嘅，用咗成十幾年，幾個月前壞咗，我冇本事花幾千蚊買部新嘅，咪諗住平平哋買部二手囉，點知咁快就壞，𠵱家冇保養又冇得整，都唔知點算。」
張婆婆慨歎，自政府削減綜援後，經濟更加緊絀，再儲錢購買二手雪櫃亦不容易，更遑論購買一部全新的雪櫃。你願意伸出援手，資助張婆婆購買雪櫃，改善生活嗎？
捐款編號：C1007
暖流熱線
電話：29908688
傳真：23702192
電郵：
網址：