李澤楷同佢隻8號仔不時都會畀啲驚喜大家（除咗股價），好似數碼港噚日正式開幕，斷估佢會親自去同唐英年局長一齊主禮，但結果佢連「自己個仔」滿月都唔出席，卻派出未離開地鐵但又未入電盈的JackSo蘇澤光做代表，究竟JackSo用乜身份主禮呢？程序表話佢係電盈候任集團董事總經理兼副主席，佢致辭嗰陣就話「自己重係地鐵一分子，但各位都知道今年稍後會加入PCCW」。
噚日有個「時間錦囊典藏」儀式，身在地鐵心在電盈的JackSo，就揀咗「代表着創新科技、由8號仔開發」嘅智能身份證放入時間錦囊。八方諗，不如放埋換智能身份證首兩日壞機的剪報、又或者放埋俾唐局長稱許為「最適合搞創新科技」的王錫基的相片落去……咁會唔會更好呢？
（圖）蘇澤光手持智能身份證，表明自己心繫電盈。
傳真︰2623-9278
電郵︰