「譚詠麟李克勤左麟右李演唱會2003（Part2）」今晚開鑼，日前李克勤到中環，領取伯爵表贊助的兩套碎鑽手表連鑽戒，共值超過一百三十萬元。克勤今晚便會在台上佩戴，女友盧淑儀則負責替男友保管名表。
李克勤是伯爵表的熟客仔，所以他在今年二月舉行的「左麟右李」演唱會時，獲伯爵表贊助，戴上一隻價值六十萬元的靚表上台，閃閃生輝。而今晚「左麟右李Part2」開騷，克勤日前便親往中環的伯爵表專門店，領取兩套碎鑽手表連鑽戒。
今次克勤獲贊助的兩套鑽飾，其中一隻為價值五十萬的Emperador碎鑽表，配以鑲藍寶石、價值二十萬的Limelight鑽戒，另一隻則為於今年四月才出產，價值五十四萬的伯爵表，配以一隻約六萬多元的鑽戒。克勤說：「我鍾意佢新款囉，演唱會梗係要靚啦！其實上一次演唱會，伯爵表已經有贊助，但太貴啦，所以Emily（盧淑儀）特登買咗個腰包保管啲表。」
今次的「左麟右李Part2」，克勤表示有三分二的歌曲會與上次不同，衣服亦會重新訂做，梁榮忠則繼續做棟篤笑環節嘉賓，雖則內容有變，但仍會環繞娛圈的熱門話題。
問克勤會否提及新聞多多的謝霆鋒？他說：「所有熱門新聞都會講吓，有個底線嘅，大家都係歌手，唔會刻意挖苦佢！」
此外，克勤坦言藝能製作公司有意於下個農曆年再舉行第三次的「左麟右李」演唱會，他卻說：「𠵱家我哋加埋已經開咗十八場，近年嚟講係絕無僅有，除非有新嘢加落去，如果唔係就會冇晒新鮮感！」
採訪：朱芷瑩 攝影：甄朝健
