盧巧音（Candy）早前接受了本報訪問，剛演出完紅館個唱的Candy，回想五年前剛入行，她頗有感觸的說：「如果當年我識諗啲，做好啲，成就可能唔止咁樣。」
原來Candy當年憑一曲《垃圾》走紅，她對歌詞中一句「不需要完美得可怕」甚有感覺，故曾想過就此退出娛樂圈。
Candy說：「其實我當時好怕面對傳媒，唔習慣做訪問，公司又迫我做，我嗰陣覺得我係打band嘅，只識唱歌，點解要做訪問？」Candy現在想來覺得當時只是自己在找藉口，結果令到當時的宣傳人員好難做，覺得很不好意思。
現在Candy成熟了，願意配合公司所有宣傳安排，只要不影響形象就沒有所謂，Candy說：「個人諗通咗之後，做嘢樂趣都大啲，其實好多嘢視乎你點睇，當日唔識處理拖慢咗自己嘅進度，好儍。」