八方早排講過新世界發展董事總經理鄭家純喺高院被窒英文差，噚日就輪到另一位「大公子」—聯合集團前主席李明治長子李成輝自認唔識廣東話。話說新世界告新鴻基公司案，噚日由李成輝作證，代表新世界嘅資深大律師陳志海盤問佢時，佢唔認九六年七月同「純官」食飯係「講數」（新世界叫新鴻基還錢），只係sociallunch。
李成輝一路用英文作供，陳志海叫佢用廣東話轉述純官點講，佢話：「鄭先生（鄭家純）話（吉隆坡投資項目）有啲手尾要做，你哋睇睇佢。」但陳志海再次盤問時，李成輝將「手尾」講咗做「尾數」，俾陳大狀捉到正。不過李大公子處變不驚，即刻轉台用英文：「我嘅母語係英文，廣東話唔好，我要用番英文講，鄭先生係話重有啲outstandingmatter。」陳大狀都冇佢符。
傳真︰2623-9278
電郵︰