《國安條例》未出籠，八方已經驚得要命，特別怕警隊一哥曾蔭培，佢哋可以毋須法庭手令就破門入屋搵料，正如大狀余若薇話齋，冇法例就冇得講啫，一有咗權力在手，就唔同講法，到時肯定大有理由加強監控啦，香港將會變成一個極權嘅警察國家。
咁又係，邊有人會唔要多啲權力呢？更何況有堅料話要入屋權係一哥佢哋要求，而一哥早前亦都喺北京講過，二十三條有如「軍火庫嘅武器」，只係以防萬一，唔一定經常使用。
既然係備而不用，一哥使乜日日扮到Rambo咁嘅樣嚇人，以陳弘毅教授嘅講法，就係警方「沒有絕對必要擴大警權」，都係去法官度攞手令令大家放心啲。
傳真︰2623-9278
電郵︰