潮州妹吳文忻一向慳家，自小被兄長嘲笑是垃圾婆，專儲垃圾搞DIY玩意。吳文忻小時候最喜歡學哥哥的一舉一動，哥哥從碌架床上格跳落地，阿妹則照辦煮碗，卻撞到頭頂開花！
吳文忻的雙親忙於工作，嫲嫲便肩負起照顧頑皮孫兒的擔子。吳文忻比妹妹大七年，故她從小喜歡跟兄長作伴，哥哥做甚麼，她也要跟着幹，十足牛王妹。
吳文忻日前在天后接受訪問時，談起童年往事亦不禁失笑道：「阿哥細個時都唔受我玩，佢成日寸我，但佢做乜嘢，我又要跟住做。有次喺屋企，佢由上格床度跳落嚟，佢重問我你得唔得呀？咁我就跳落嚟，點知個頭撞到腫晒。」
曾負笈美國留學的吳文忻，最愛學哥哥，卻碰了不少釘子，她笑說：「阿哥睇電視劇，聽到啲人講八婆，佢就照學，有次佢鬧我八婆，嗰時我至讀緊幼稚園，我又學阿哥講嘢，嗌坐我後面個女仔做八婆。跟住個女仔告狀，搞到我俾Miss罰企，要同人講對唔住，但我死都唔肯講，終於就被罰企足一堂。」
籍貫潮州的吳文忻，遺傳了潮州人的慳家特性。她小時候花一分一毫，都用紙筆記下，吳文忻說：「阿哥成日嗌我做垃圾婆，話我最鍾意儲垃圾，維他奶紙盒、益力多膠樽，我全部都放喺度，留番嚟做DIY手工，好識廢物利用，我細個執阿哥啲舊衫着，剪吓改吓又當新衫，好慳家㗎！」
採訪：朱芷瑩
