近年，日本萬事得車廠先後推出多款新車，如RX-8、M2及M6等等，全都備受追捧，而日前廠方又宣布會於今年九月舉行嘅法蘭克福車展上，展出全新Mazda3車系（日本版會稱為Axela），並會喺年底前正式登場。
從外形而言，呢款全新Mazda3車系，可謂與年初曾在日內瓦車展展出嘅MXSportif概念車極為相近，加上酷似RX-8嘅車首設計，望落重帶有一份時尚活力感㖭！消息又指新車車廂布局，亦見有年輕活力感，而闊落車廂空間更會係賣點之一；另外，新車亦有多個引擎配搭供用家選擇，加上歐式底盤結構及多套電子系統輔助，行車循迹性之高絕能予人有十足信心。各位有興趣嘅迷，記住留意日後關於此車嘅更多消息喇！