八方噚日去馬會山光道會所參加SOPA（TheSocietyofPublishersinAsia）一年一度嘅頒獎禮，除咗捧自己同事場，重專誠去一睹胡舒立之風采。呢位內地《財經》雜誌舵手，近期好多風雨，難得喺香港見到佢。
今年比賽，來自港、台、星、馬、泰、菲、印尼、印度嘅作品共二百六十件，《蘋果》攞咗三個大獎，分別係突發組之最佳新聞圖片「命懸一線」、中國組嘅最佳新聞特寫「沒飯吃也要讀書」、國際組嘅最佳新聞版面設計「昂山蘇姬終於自由了」；另外突發組嘅「港客揭發小姊弟狗籠歲月」同壹蘋果網各得一個優異獎。至於最佳中文報章由《明報》奪得，《蘋果》得優異獎。
雖然近期《蘋果》攞獎無數，但係喺頂得住巨大壓力嘅內地同業面前，八方覺得自己真係好渺小。
（圖）獲「最佳新聞特寫」獎嘅潘小濤（左）、「最佳版面設計」獎嘅黃志全（左二）同黃錦華（右二），與「最佳新聞圖片」獎得主簡明恩（右），齊來影番張靚相。
傳真︰2623-9278
電郵︰