7號王從希紅腋窩　20號戚黛黛黑眼圈
陳豪評佳麗肌膚質素一般

二十名候選港姐昨日出席「鑽石肌膚獎」記者會，王偉愛女7號王從希被發現腋窩呈瘀紅色，20號戚黛黛則有黑眼圈，有礙觀瞻。6號林詩慧表示要吃二十度熱的食物保養肌膚，被司儀王賢誌取笑。

無綫「二○○三年度香港小姐競選」二十位候選佳麗，昨日往銅鑼灣富豪酒店，出席「鑽石肌膚獎」記者會，評判陳豪、嘉碧儀和梁芷珊，選出皮膚最靚的佳麗成為「鑽石肌膚獎」得主，結果於八月準決賽後公布。
王偉愛女、曾拍性感寫真的7王從希昨日拍照時非常投入，又擺出不同的甫士，可惜被記者發現她的腋窩呈瘀紅色，有礙觀瞻。

王賢誌寸6號林詩慧
二十位候選佳麗昨日接受護膚及化妝課程，在記者會上跟大家分享護膚的心得，6號林詩慧在台上說：「由細到大，我好注意飲食，我會揀一啲只有二十度熱嘅嘢食，唔太熱，又唔好太凍，咁就最好。」
司儀王賢誌聽到後，即開玩笑說：「我都會試吓，第日出街食飯帶定支探熱針。」事後問林詩慧會否介意被王賢誌暗寸？她說：「佢講笑我唔介意嘅！」
而擁有很大個黑眼圈的20號戚黛黛則說：「我喺細個嗰陣時發燒突然間瘦咗，就有黑眼圈。」

「又Shine又Fine就靚」
評判陳豪說：「我覺得膚色健康，面色好，又shine又fine就靚。二十位女仔整體質素一般。」梁芷珊則說：「我會睇佢哋有乜缺點，有眼袋、黑眼圈就一定扣分。」
採訪：楊潔雯
攝影：陳偉權