繼演藝界、醫學界、會計界號召界內人士七．一上街反對二十三條立法後，廣告業人士也會在當天空群出動，捍衞創作自由。香港廣告商會（俗稱4As）主席余沛文表示，商會旗下的廣告公司不少同業表示有意參加遊行，他們已印製了一千件「反23」T恤，預計當日有五百至一千名同業出席。
余沛文承認，廣告行業很少會就政治議題表態，但由於《基本法》第二十三條立法對行業有一定影響，而且影響香港作為一個自由社會的基礎，令同業要站出來表示反對。他說：「廣告係自由社會嘅產物，如果冇言論自由，講嘢窒住窒住，成個廣告行業會suffocate（窒息）。」
他又認為二十三條內的煽動叛亂罪行，會影響他們的創作自由。「政府好理唔理，有假廣告，與事實不符嘅減肥廣告，政府見到都唔做任何嘢，但係真正影響創作自由嘅又去理！」
余沛文慨歎說，香港過去幾年的經濟問題，已令廣告行業明顯萎縮，若二十三條立法通過，整個營商環境將會改變，而行業也會「縮得好緊要」，更遑論以自由度大這個優點，去吸引國際廣告人才：「廣告要喺自由蓬勃嘅社會生存，唔係喺一個擔心講乜會犯法嘅社會！我從來未見過一個廣告蓬勃嘅社會，有咁多restrictions（限制）。」
香港廣告商會旗下二十五間大廣告公司，共有約三千名員工。余沛文表示，除4As的成員外，不少非4As公司及拍片公司員工，也會參加七．一大遊行。