楊千嬅認為每個人都要有夢想，朝着夢想進發，人生就會更有意義。她表示以往談戀愛因太愛自己，做人又緊張，欠缺情趣，所以未曾有過一段轟烈的愛情。未知她與前男友鄭中基是否因此而分手呢？
最近楊千嬅接受女性雜誌《COSMOPOLITAN》訪問，大談人生夢想。千嬅覺得每個人一定要有夢想，沒有夢想的人生就好像面對一扇看不到天和地的窗，完全沒有生氣。
究竟千嬅的夢想是甚麼？她在訪問中說：「我有好多嘢未做，好似好想去有神秘金三角之稱嘅百慕達，但又擔心會失蹤。想坐郵輪去歐洲，但又冇咁長嘅假期，重有，我好想擁有一段轟烈嘅愛情。」
千嬅表示未試過有一段轟烈的愛情，她說：「我太愛自己，做人又緊張，唔夠情趣。以前我又太過保護自己，好彩𠵱家可以輕鬆啲。」未知千嬅與前男友鄭中基是否因此而分開呢？
未入行前千嬅曾當過護士，對於早前爆發非典型肺炎，疫情嚴重，如果千嬅仍未轉行，她可會到最前線照料沙士病人？千嬅說：「會㗎，當身處呢個情況嘅時候，可能會更勇敢。我問過一啲醫護人員朋友，其實佢哋都唔係好驚。記得我以前做護士時，見盡生老病死，一個三十幾歲嘅人會因為心臟病發而死，人生無常，真係唔使咁執着。」
此外，千嬅是萬千歌迷的偶像，她自己雖然沒有偶像，但卻十分欣賞前政務司司長陳方安生，千嬅說：「我覺得佢立場好鮮明，人又大方，並且唔會放棄自己相信嘅嘢，佢又默默為社區做事。」
撰文：比華利