在黃伊汶十四歲那年，其父黃俊在泰國遇上車禍不幸喪生，但黃伊汶現在仍記得小時候與姊姊弟弟扭計買單車，翌日睡醒時，發覺父親把新單車放在床尾，還在鏡上留言，情景至今難忘！
黃伊汶（Emme）有一姊一弟，在十四歲那年，其父黃俊在泰國發生交通意外而身亡，但亡父生前疼錫子女的情景，Emme至今仍歷歷在目。
Emme的雙親在家庭中扮演慈父嚴母的角色，每次手執藤條教訓子女的總是母親。日前Emme接受本報訪問時說：「我覺得老竇好陽光，佢唔係出海，就係帶我哋游水，佢好似個運動健將。」
Emme透露有年爸爸令三個小朋友夢想成真，她說：「有次我哋出街玩，老竇問我哋想玩乜嘢，我哋話想踩單車。第二日我哋瞓醒覺時，一擘大眼就見到有架新單車放喺床尾，老竇重喺塊鏡上面寫住『係送畀你哋㗎』，佢真係好浪漫。」
Emme小時又瘦又黑，連自己對當年的模樣亦不敢恭維，她笑說：「嗰時個人又黃又瘦，啲印尼人成日行埋嚟同我講印尼話，同學就笑我係埃塞俄比亞人，所以以前我好冇自信。夏天着好多件長袖衫，連襪褲都起碼着兩對，先敢出街。」
Emme笑稱母親說她除了在手抱時期靚過外，基本上是愈大愈醜，幸好長大後漸懂扮靚，轉戴隱形眼鏡，又比以前長肉，所以現在的樣子好看多了。
探訪：朱芷瑩
