古法：線面19歲Pretty：企足９粒鐘
烈日當空，走在街上，女士不是背心短褲就是露臍裝，脫毛變成日常清潔一部份。在女人還未敢公然露這露那的年代，脫毛已經是其中一個扮靚要項。阿婆時代，一條白線就擔當了這重任，今天線面依然風靡，但已換成了年輕女孩拉線。
三代相傳線面的郭家，年多前連19歲的Pretty也投身入行，年紀雖小，但手藝純熟，已有一批穩定的學生及OL熟客。Pretty與21歲姐姐Iris，媽媽幫她倆做線面時，還不足十歲，長大後，兩人的皮膚果真又白又滑。Pretty入行初期，都擔心弄傷客人，幸好至今沒出現任何事故，相反，開心事就常有：「有次，一個膚色稍黑的女士做完線面後，一照鏡，竟然嘩聲大叫出來，我以為弄傷了她，誰知她說：『我從未見過自己咁白！』哈哈，還攬着我說多謝！」其實線面的作用，就是除去面上不潔的幼毛，做完後可回復原本膚色！
原來線面還包括修眉，某次修眉後，客人猛話「好靚！」收錢時，居然有一百蚊貼士，修眉價都只是$50！但讚賞背後，換來是腳痠背痛，因每天都要站着同客做線面，企足九小時，最難受莫過於此！
最潮：彩光30歲Anna：天天打牙骱
最先進的脫毛方法，再不依賴人手，曾往意大利學習彩光脫毛的Anna笑說：「我哋工作舒服啲，可以坐喺度邊脫毛邊傾偈！」相比線面要用口咬線，不能說話，Anna工作時反而可以聊聊天，較為輕鬆。
「好多時同客人傾偈的內容，都係佢男朋友點樣話佢多毛，搞到唔開心，就算花萬多元都要有個白滑身體，女為悅己者容，個個都係咁！」Anna自己也曾為愛人嫌她多手毛而花了不少錢脫毛，客人之苦，她身同感受，所以特別投契。「第一次同男人脫毛就同一個同性戀者脫胸毛，佢啲胸毛又密又硬，做五次才脫去七成毛，但亦令我首次了解男同性戀者的心態，我將多年的疑問，坦白問佢，佢又答得坦白，解決了多年來對Gay的誤解，也是一個得着！」
無論古法線面或最潮彩光脫毛，客路雖不同，但也不愁沒生意，兩者都說：「脫毛行業永不會式微，就算有千百門方法，都自有捧場客，試問哪個年代的女人，會喜歡毛茸茸？」