謝霆鋒周日晚在北京高調會王菲，兩人又當眾甜蜜拖手，對此，一向敢言的「牙擦練馬師」簡炳墀，前晚則指霆鋒以戀情博宣傳。而霆鋒返港後，前晚即相約梅艷芳晚飯，昨日則慰問張栢芝，三日內輪流向三位紅顏獻殷勤。
謝霆鋒日前在北京高調與女友王菲拖手及一同過夜，成功引起全城談論，不過「牙擦練馬師」簡炳墀則認為霆鋒只是借戀情博宣傳。
前晚簡炳墀到銅鑼灣出席電影《千機變》的首映禮，他站在電影海報前拍照，被問到對海報中的鄭伊健、Twins及陳冠希誰較有印象時，簡炳墀即表示他一個也不認識，只認識成龍。簡炳墀說：「我唔欣賞明星嘅，佢哋係靠宣傳，我就靠食（實）力，所以我實唔贊成個仔同明星拍拖。」問他對霆鋒與王菲公開拖手有何看法？簡炳墀說：「博宣傳冇所謂啦，佢哋唔似我，講食（實）力。」
返港即約阿梅飯敍
簡炳墀透露在港退休後，計劃往澳門發展，對於會否學何鴻燊一樣娶幾個老婆，簡炳墀竟說：「我啲女朋友垃圾嚟㗎，我咁大年紀唔掂啦，咁老，兩個都嫌多呀，我對畜牲好過對女人，女人唔踢得㗎嘛。」簡炳墀又公然取笑Ba叔與楊受成，他說：「Ba叔個人沙沙滾，成五十歲先結婚生仔，受哥（楊受成）都係一擔擔。」
而霆鋒日前返港後，前晚本應出席首映禮，但他臨時甩底，反而相約梅艷芳一同晚膳。前晚九時許，身穿白色外套，戴上黑框眼鏡的霆鋒欲以調虎離山計先讓保母車離開，其後他才乘坐一部黑色日本車抵達銅鑼灣利園，他一見記者即問道：「點解你哋頭先唔追架保母車？」當霆鋒得悉記者看見保母車內沒有人時，即面露不悅之色，然後默不作聲跟隨早在該處等候他的梅艷芳助手到巨龜莊晚膳。
「最緊要個人冇事」
霆鋒父親謝賢前晚十時四十五分亦趕到場會合兒子，被問到是否與梅艷芳晚膳時，謝賢只笑而不答，隨即說：「栢芝喺耀華街撞車喎，你哋唔使過去咩？」謝賢逗留不足半小時，便與霆鋒一同離開，其間霆鋒被問到可知張栢芝撞車，他即說：「我唔知喎！」其後他與謝賢乘車到灣仔，謝賢先行下車，並着隨行記者轉去跟霆鋒，他說：「你哋上番車追啦。」而霆鋒則返回山頂寓所。
此外，霆鋒昨午到商台出席錄音訪問，有人恭喜他與王菲復合，霆鋒起初甜笑說：「儍㗎你都！」不過其後他又說：「多謝，你哋諗得太多。」提到栢芝撞車，霆鋒緊張說：「冇事呀嘛？」記者表示栢芝要花一萬元作維修費，霆鋒則說：「我唔係問架車呀，問個人呀，最緊要個人冇事。」對於會否致電慰問栢芝，霆鋒說：「我想喺呢度講，慰問唔係透過報紙講，我唔講人哋嘅嘢。」問他是否怕王菲呷醋？霆鋒則說：「唔係，唔需要。」
對於王菲因與霆鋒復合而被歌迷上網指摘，霆鋒看來有點不悅，他說：「個個人都會俾人鬧，報紙又投票話佢做我女友票數最高，咪好矛盾？人實有鍾意唔鍾意，好似畫畫咁冇對錯。」
「係咪『潤』我個仔呀？」
其後霆鋒到大學會堂綵排昨晚的音樂會，他得悉簡炳墀指他借女友博宣傳後，即木無表情不作回應。此外，謝賢前晚出席《千機變》首映，因為霆鋒每次公開出現都拿着一罐可樂，硬銷廣告，謝賢前晚甫出現即有記者問道：「四哥，點解你唔攞住罐可樂嘅？」謝賢即說：「你𠵱家係咪『潤』我個仔呀？」
採訪:梁錦雯 攝影:陳偉權
