股壇長毛DavidWebb同財經事務及庫務局局長馬時亨，噚日喺《商業周刊》舉辦嘅財務總裁論壇上狹路相逢，兩人竟然擦唔出火花。
大偉喺會上再問馬局長，政府點解毋須披露喺地鐵嘅持股量，馬局長竟然拒絕回答；佢話呢個問題，大偉其實已經問過，政府亦答咗佢，所以佢唔想喺會上用三十分鐘講多一次。
馬局長雖然避過大偉嘅質詢，卻避不過老外主持嘅幽默。話說局長回應點解要就衍生訴訟一事諮詢咁耐時，話係因為市場有不同嘅既得利益者；冷不防老外主持爆咗一句：「就係因為咁，所以有人在加稅前買車。」呢句擺到明話緊馬局長嘅老頂阿松，搞到局長好無癮。
傳真︰2623-9278
電郵︰