日本人氣組合SMAP今日推出新碟《MIJ》，之後又展開巡迴演唱會。聽講木村拓哉要求工作人員安排特選金澤納豆同香蕉，放喺演唱會嘅後台，呢兩樣嘢原來係木村嘅健康寶物，睇怕成班手足都要陪佢一齊食。木村上星期一喺節目《SMAP×JAPAN》入面，公開話好鍾意食納豆，電視台第二日已經收到一百個觀眾查詢納豆嘅煮食方法㖭！