疫症過後，香港雨過天青，但呢場瘟疫令二百九十幾人喪命，所以官府都唔敢慶祝，老董就講到明未係慶功時候；疫潮期間適逢佢生日，牛一當日佢更喺殯儀館，因為撞正其中一名殉職醫護人員鄧香美出殯。
根據資料，老董於一九三七年七月七日出世，農曆係五月二十九日，由於當時兵荒馬亂，逃難到香港之際陰差陽錯咁填報自己生日係五月二十九號，自此佢就有兩個生日。據講有關方面安排鄧香美喪禮時，發覺出殯日期撞正特首生日，一度擔心要唔要更改安排。好彩老董亦唔係咁迷信，自然百無禁忌，出入殯儀館都冇所謂，何況嗰日根本唔係佢真正生日，更加唔擔心啦！
傳真︰2623-9278
電郵︰