張栢芝前男友謝霆鋒，日前在北京和王菲高調拖手，以行動表明經已復合。栢芝和阿梅昨日出席活動時，齊齊祝福霆鋒和王菲，栢芝更呼籲大家不要針對正在拍拖的藝人。
張栢芝、劉青雲和導演爾冬陞昨日齊齊出席電影《忘不了》的開鏡拜神儀式。雖然霆鋒和王菲在北京手拖手，表明愛火重燃，但栢芝的名字仍然牽涉在內。栢芝昨日表示對此毫不介意。
栢芝說：「每個人拍拖都係自己嘅事，其他人唔方便有任何意見，大家應該祝福每一對拍緊拖嘅情人，祝福佢哋開心。拍拖係一件浪漫嘅事，唔好針對拍拖嘅人。我每日都喺呢個圈入面生活，我唔介意自己個名放喺邊度。」
栢芝在新片《忘不了》中飾演育有五歲大兒子的母親，雖然是個大突破，但栢芝仍信心十足，她說：「我細細個已經照顧細佬，好似做真正媽媽咁，所以係冇困難。我出道前好想結婚生仔，𠵱家趁後生賺多啲錢，到時有幸福家庭。」
梅艷芳昨日以演藝人協會會長身份，出席茁壯行動在尖沙嘴舉行的活動，問阿梅會否替霆鋒開心？阿梅初時沒有回答，只點頭微笑，後來她說：「你哋問佢啦，總之佢開心我都開心，祝福佢哋天下有情人，大家都希望有情人開心。」
另外，霆鋒昨日到上水可愛忠實之家履行社會服務令，他原本答應出席昨晚在銅鑼灣時代廣場舉行的新片《千機變》首映，但電影公司工作人員昨晚卻臨時宣布霆鋒不會出席首映禮。
採訪：魯萍、卓美娟
攝影：陳志嵐
