早排，亞Mark曾經同大家透露過，話福士代理運嚟新版Bora，配用一台跟奧迪A4共用嘅1.8公升Turbo偈係明智之舉，皆因呢台引擎唔止比起原來Bora2.0型號輸出更強，低轉有高扭力輸出外，加上改裝潛能又強，響一眾歐洲同級對手之中，表現可謂不遑多讓，競爭力自然更勝一籌啦！據知，家陣代理加送埋一套全車包圍，新版Bora1.8T嘅賣價，亦不過係24萬5千咋！另方面，代理為咗催谷Bora1.8T嘅房跑車一面，重跟某大歐洲車改裝公司，合作炮製出一款Bora1.8TRS特別版，單係馬力輸出便高達200匹，而且重有其他底盤強化改裝㖭！想睇吓呢款咁強嘅Bora1.8TRS真身的話，就記緊留意今個星期五我哋嘅實地測試報道喇！跟住去埋陳列室睇真吓！