前兩日報紙大字標題話京華國際酒店「九一一」號房會改建為博物館，畀人紀念呢個沙士源頭，連中新社都有發稿轉載。
不過八方噚日同中旅國際董事總經理沈主英食飯（京華國際酒店由中旅持有），佢好勞氣咁話：「亂噏！我係中旅董事兼股東，我話冇可能改做博物館，呢啲嘢梗係想人快快忘記佢，做番生意，做博物館點同股東交代？」
改建博物館一事係京華國際酒店駐店經理伍啟華所講，八方問沈總，伍經理會唔會炒魷？沈總即時扮聽唔到轉話題。
（圖）京華酒店傳話變博物館，的確無稽咗啲。
傳真︰2623-9278
電郵︰