紅姑嫌鄧永鏘言詞肉酸

紅姑嫌鄧永鏘言詞肉酸

日前中國會老闆鄧永鏘表示曾視鍾楚紅、林青霞及鞏俐為性幻想對象,鍾楚紅昨日出現中環辦理私人事務時,避談此事。
紅姑說:「我唔喺香港,冇睇到報道,唔係嘛?唔會講到咁肉酸嘅,係你哋歪曲啫,我唔信佢(指鄧永鏘)會咁講。我同佢唔係熟到咁樣,佢係鍾意講笑,但係唔會講呢啲鹹濕嘢。」

暴肥唔開心
問紅姑其夫婿朱家鼎會否禁止她見鄧永鏘?她說:「冇。」而早前她被雜誌拍得體形暴脹的照片,她昨日坦言不開心說:「俾人寫到咁,梗係唔開心。」
採訪、攝影:JessicaNgan

鄧永鏘一向語出驚人,早前更揚言視鍾楚紅為性幻想對象。 資料圖片