慈姑：「有乜都可以撐過！」
「一身兒女債」是我訪問薛家燕前的感覺，訪問過後我仍然看到家燕姐身上的重擔，只是反問自己一句：「難道她揹不起嗎？」事實上是綽綽有餘，單親又如何？直至最近才除掉「腹中塊肉」又如何？統統不能減卻這位做事面面俱圓的女性，為子女仆心仆命而散發出來的自信光芒，令人佩服得五體投地。
家燕姐由八歲開始拍戲、唱歌紅到廿多歲結婚引退，當年誰個不認識七公主之一的她，年輕一輩則未必個個知道有薛家燕這個人，卻認得「好姨」和「慈姑」。成功一直伴隨着她，她眼中，只出現過一次「挫折」。「婚姻好重要，美滿就最好……我入得廚房，出得廳堂，結婚前學烹飪，燒味都識整，李太、方太都是我的老師。事業成功，退居幕後幫丈夫打理生意，跑去酒樓學飲食管理。自問做晒本份，達唔到目標無得怨，自己要安排另一條路，利用失敗經驗提升自己，我都係咁教仔女。」人生有高低起伏，決斷地跨過難關，家燕姐便證明了單親家庭也可以幸福美滿。
「挫折根本唔係好大一件事，我的人生觀無變過，有乜都可以撐過。」家燕姐相信近年香港經歷的種種，算是新體驗，撐過了，定會邁向更美好的明天。正如她每天睡眠數小時，仍然撐得住。「唔覺辛苦，冇嘢做重辛苦，有Job就好快樂，要珍惜，因為唔知自己的熱潮幾時過，湊夠三個仔女學費，積榖防飢嘛。」這個何嘗不是七百萬香港人的心聲。
記者：邵超攝影：陳智良