早前因財爺一招「殺雞取卵」，以圖用新制訂嘅汽車首次登記稅，為庫房多收款額，而令一眾豪華轎車代理望而卻步。其中，曾經有意打退堂鼓，想將亞洲區嘅Centre撤離香港嘅平治Maybach，由於民間及部份立法會議員仗義加入抗辯，令財爺有望明日（星期三）重新修訂稅制而露出曙光。另外，亞Mark打聽得知原來代理梅賽德斯—奔馳中國，上周已秘密運嚟全新Maybach，現暫存響紅磡仁孚行嘅總部大樓地下，並存放響玻璃房中，相信響新車價有望調低嘅大前提下，怕且呢部至頂級嘅豪華轎車，可望9月淺水灣MaybachCentre開幕時，會正式跟香港車迷見面㗎！